გადაცემა ჯანსაღ ცხოვრებაზე. მისი მიზანია რადიო ეთერიდან გაუწიოს პროპაგანდა ცხოვრების ჯანსაღ წესს, სპორტულ ცხოვრებას, ფიზიკურ აქტივობას. გადაცემა მზადდება კუს ტბაზე ცოცხალ გარემოში, ანუ წამყვანი სტუმართან კუს ტბაზე მართავს დიალოგს, სიუჟეტები კი წინასწარ მომზადებული და  ჩაწერილია.

“ჯანსაღი ცხოვრების” წამყვანია ნინო მაისურაძე, რომელიც თავად ეწევა სპორტულ და ჯანსაღ ცხოვრებას; ასე რომ მისი გადაცემის თემები  და სიუჟეტები რეალურ მაგალითებზე და სპეციალისტების რეკომენდაციებზე დაყრდნობით შეირჩევა.
გადაცემის თემებია: სპორტის სხვადასხვა სახეობა, ჯანსაღი კვება, თამბაქოს მავნებლობა,  ფიზიკური სილამაზე, ბავშვების სპორტული აღზრდა, ჰიგიენა და ა.შ.

გადაცემის მთავარ სტუმართან  - პოპულარულ ადამიანთან - ნინო მაისურაძე მთელი გადაცემის განმავლობაში წარმართავს ინტერვიუს. მათი დიალოგი დინამიური და ხალისიანია.  ინტერვიუს ყოფს 3 განსხვავებული თემატიკის სიუჟეტი, რომლებსაც წამყვანი სტუმართან ერთად წარუდგენს მსმენელს.

უსმინეთ “ჯანსაღ ცხოვრებას” ნინო მაისურაძესთან ერთად ყოველ ოთხშაბათს 18:00 სთ-ზე.