გადაცემა ქართული ხალხური სიმღერის ოსტატებზე. მისი მიზანია გაახსენოს და გააცნოს რადიომსმენელს იმ ადამიანთა ღვაწლი, რომლებმაც უდიდესი წვლილი შეიტანეს ქართული ფოლკლორის განვითარებასა და ხალხური მუსიკალური კულტურის პოპულარიზაციაში. ესენი არიან სხვადასხვა კუთხის და თაობის ცნობილი ლოტბარები და შემსრულებლები, რომლებმაც წარუშლელი კვალი დატოვეს ქართული ხალხური მუსიკის შემსრულებლობაში. მათი მოღვაწეობის შესახებ სამწუხაროდ ჩვენი საზოგადოების მხოლოდ მცირე ნაწილია ინფორმირებული; ასე რომ, აუცილებელია ქართველმა მსმენელმა და განსაკუთრებით ახალგაზრდა თაობამ სწორად მიიღოს ინფორმაცია და სათანადოდ შეაფასოს მათ მიერ განვლილი გზის მნიშვნელობა.
წამყვანი კვირაში ერთხელ ირჩევს კონკრეტულ თემას - ცნობილ ლოტბარს ან შემსრულებელს, ამზადებს ინფორმაციული ხასიათის მონათხრობს მის ცხოვრებაზე, მოღვაწეობაზე. გადაცემის ნაწილი დაეთმობა ფოლკლორის სფეროში მოღვაწე ცნობილი პიროვნებების (მომღერლების, ეთნომუსიკოლოგების, ლოტბარების) თემატურ კომენტარებს.
|
