ალბომში ჩაწერილია 1989 წელს ვაშინგტონის ფოლკლორის ფესტივალში მონაწილე სამი ანსამბლის მიერ შესრულებული სიმღერები. ეს ანსამბლებია:

#1. “გრუპო აფროკუბა დე მატანზას” – აფრო-კუბური ფოლკლორული ანსამბლი მატანზადან (კუბა), რომელიც ასრულებს სიმღერებსა და ცეკვებს დასარტყამი ინსტრუმენტების თანხლებით. ანსამბლის რეპერტუარში ძირითადად არის მატანზას პროვინციის ყველა ჟანრის (“არარა”, “ბანტუ”, “აბაკუა”, “რუმბა”, “ლუკუნი”, “გუირო” და სხვ.) ხალხური მუსიკა, რომლებსაც ასრულებენ პირვანდელი სახით. ეს პროვინცია აფრო-კუბური ფოლკლორის აკვნად არის აღიარებული.

#2. “გრუპო ჩანგუი დე გუანტანამო” – ანსამბლი გუანტანამოდან, რომელიც ასრულებს ჩანგუის ჟანრის მუსიკას. ანსამბლს არსებობის 50 წელზე მეტი ძალზე ორიგინალური ისტორია აქვს. მისი შემადგენლობა პერიოდულად იცვლებოდა სხვადასხვა ოჯახით. თუმცა ხდებოდა რამდენიმე ოჯახის წევრთა გაერთიანებაც. ამით წარმოჩინდებოდა ამა თუ იმ ოჯახის მუსიკალური ტრადიციები, ამავე დროს ხდებოდა სხვადასხვა ოჯახისთვის დამახასიათებელი ტრადიციების შერწყმაც.
   რაც შეეხება ჩანგუის, ის არის გუანტანამოს რეგიონისთვის დამახასიათებელი ტიპიური ფოლკლორული ჟანრი. მას აქვს თვითმყოფადი რიტმულობა, თუმცა ცალკეული ინტონაციები ენათესავება “სონ”-ის (კუბური ჟანრი). ჩანგუის ჟანრისთვის დამახასიათებელია “ბონგო”-ს (დასარტყამი საკრავი) გამოყენება.

#3. “კვარტეტო პატრია” ი კომპაი სეგუნდო – კვარტეტი სამშობლო და კომპაი სეგუნდო. ანსამბლი თავდაპირველად შედგებოდა ოთხი მოხუცი შემსრულებლისგან, რომლებიც თანამშრობლობდნენ ლეგენდარულ მუსიკოსთან – კომპაი სეგუნდოსთან. ამჟამად იგი დაკომპლექტებულია ახალგაზრდებით, რომლებიც აგრძელებენ მოხუცი მუსიკოსების საშემსრულებლო ტრადიციებს. მათ რეპერტუარშია ისეთი სიმღერები, რომლებშიც შერწყმულია სოფლური და ქალაქური მუსიკალური ფოლკლორისთვის დამახასიათებელი ინტონაციები.